மாதங்களின் வகைகள்
மாதங்களை நான்கு வகையாக பிரிக்கலாம்
1.சௌரமானம்
2.சாந்திரமானம்
3.நட்சத்திர மாதம்
4.பார்ஹஸ்பத்ய மானம்
சௌரமானம்
சௌரமானம் என்பது சூரியனை அடிப்படையாக கொண்டது. சூரியன் ஒவ்வொரு ராசியிலும் பிரவேசிக்கும் போது ஒவ்வொரு மாதம் பிறக்கிறது.
சாந்திரமானம்
இது சூரியன் மற்றும் சந்திரனின் சஞ்சாரத்தை அடிப்படையாக கொண்டது. சூரியனும் சந்திரனும் சேரும் நேரம் அமாவாசை. அமாவாசைக்கு அடுத்துவரும் பிரதமை அன்று மாதம் பிறக்கிறது.
முக்கியமான விரதங்கள் அனைத்தும் சந்திரமானப்படியே அனுஷ்டிக்கப்படுகிறது.
தமிழ்நாடு, கேரளா தவிர பிற மாநிலங்களில் சந்திரமான மாதங்களே அனுஷ்டிக்கப்படுகிறது.
நட்சத்திர மாதம்
இது சந்திரனின் சஞ்சாரத்தை பொறுத்து அமைகிறது. சந்திரன் அசுவினி நட்சத்திரத்தில் சஞ்சாரம் தொடங்கி ரேவதி நட்சத்திர சஞ்சாரம் முடிய ஆகும் காலம் ஒரு நட்சத்திர மாதம் ஆகும்.
பார்ஹஸ்பத்யமானம்
குரு தன்னுடைய சஞ்சார காலத்தில் ஒரு ராசியில் இருக்கும் காலம் ஒரு பார்ஹஸ்பத்ய வருஷம் ஆகும்.
